Naskah Drama Bahasa Jawa Tegalan "Bawang Putih, Bawang Abang, lan Wit Emas"

Waktu jaman gemiyen, ning salah siji desa ya kwe Desa Bumbu ana keluarga sing urip bahagia ya kwe keluargane bawang putih. Tapi bapane bawang putih lagi ana tugas ning luar kota dadine bawang putih urip neng umah mung karo ibune sing lagi mumet. Ning sisi liya ana keluarga sing ora seneng karo keluargane bawang putih ya kwe keluargane bawang abang. keluarga bawang abang ora seneng amarga keluargane putih bahagia terus waloupun jarak misahna keluargane. Saben wayah esuk kaya biasane bawang putih ngopeni ibune sing lagi mumet.

Bawang Putih   :       Enjing bu, kepripun keadaane napa sampun sae?

Ibu Kandung    :       Alhamdulillah mendingan.

Bawang Putih   :       Napa Ibu purun  kula ndamelaken bubur?

Ibu Kandung    :       Iya anakku ...

Bawang Putih   :       Nggih bu, sakejap. Putih badhe ndamelaken bubur rumiyin.

Ibu Kandung    :       Iya nak ...

                         

Bawang putih lunga maring pawon arep nggawe bubur. Sawise bubure wis dadi, bawang putih langsung manjing kamare ibune arep menehi bubur.

Bawang Putih   :       Niki bu buburipun sampun dados.

Ibu Kandung    :       Matur nuwun anakku.

Bawang Putih   :       Enakkan bu bubur ndamelanipun Putih?

Ibu Kandung    :       Inggih nak, enak tenan.

Esuke bawang abang marani neng umahe bawang putih arep niliki karo nggawa bubur nggo ibune bawang putih sing lagi mumet..

Bawang Merah :       Assalamu’alaikum.. (kaliyan ngetuk pintu)

Bawang Putih   :       Wa’alaikum salam, eh Bawang abang, mene o manjing.

Bawang Merah :       Iya, Ibumu ana?

Bawang Putih   :       ana, kae lagi neng kamar.

Bawang Merah :       Aku arep ketemu Ibumu.

Bawang Putih   :       Iya mene tak daterkena..

*ning kamar*

Bawang Putih   :       Bu, niki Bawang Merah badhe ketemu Ibu.

Bawang Merah :       Nggih bi ...

Ibu Kandung    :       Mriki Merah, Putih lenggah

Bawang Merahlan BawangPutih      :           Nggih ...

Bawang Merah :       Bu, niki Merah Mbetoaken bubur ndamelanipun Ibu Merah.

Ibu Kandung    :       Repot-repot, matur nuwun nggih. Bibi maem nggih?

Bawang Merah :       Nggih bi ...

Bawang Putih   :       Bu, kulo ijin ngumbahi rumiyin nggih wonten kali? Assalamu’alaikum.

Ibu Kandung    :       Wa’alaikum salam

lan Bawang

Merah

Sawise mangan bubur sing bawang abang ujug-ujug ibune bawang putih ambekane sesek lan akhire ninggal. Tapi  bawang abang langsung lunga ninggalna ibune bawang putih sing lagi sekarat, terus langsung balik ngabari marang ibune bawang abang.

Bawang Merah    : Ibu ... Ibu ... Ibune Bawang Putih sampun nilar donya.

Ibu Tiri              : Wah tenanan? Kiye kabar sing paling nyenengake (kaliyan  ngguyu). Akhire mati ...

Bawang Merah : hahahaha ...

Ibu Tiri              : Ngko tiliki ya, terus ethok-ethok nangis. Gole nangis sing bener kowen loh!

Bawang Merah : Sip oke bu ....

                     Wayahe wis rada awan, terus bawang putih balik sing kali kas ngumbahi jarite ibune sekalian jarite dewek.

Bawang Putih   : Assalamu’alaikum, Ibu... Ibu, Putih wangsul bu (meng kamar ibune). Astaghfirullah Ibu, Ibu kenging napa? Aja tinggalake Putih bu ..

Bawang putih langsung keder lan panik, terus bawang putih langsung ngabari bapane sing lagi kerja neng luar kota supaya balik maring umah.

Bawang Putih   : Pak .. Bapak cepet wangsul

Bapak                : Wonten napa sih Bawang Putih?

Bawang Putih   : Niku pak, Ibu ... Ibu sampun nilar.

Bapak                : Innalillahi, Bapak ajeng wangsul. Assalamu’alaikum ...

Bawang Putih   : Wa’alaikum salam ...

                         

                            Sawise ditelpon bapane bawang putih langsung balik neng umah...saanjoge neng umah bapane kaget terus manjing ning kamar arep ngileng bojone sing wis ninggal..

Bapak                : Putih, ibu pundi?

Bawang Putih   : (karo nangis) Niku pak wonten kamar

Bapak                : (nggletakna cangkingane terus manjing kamar).

Ibu Tiri              : Putih, kito turut belasungkawa ya ...

Bawang Putih   : Nggih bi, matur nuwun.

Bawang Merah : (nangis)

lan Ibu Tiri

                                   Sawise pirang wulan, akhire bapane bawang putih nikah karo ibune bawang abang, terus bawang putih urip bareng karo bawang abang lan ibu tirine.

                                   Esuke bapane bawang putih lunga arep tugas luar kota maning. Lungane bapane putih nggawe ibune bawang abang karo bawang abang seneng amarga bisa nyiksa bawang putih.

Bapak                : Putih, dinten niki Bapak ana tugas malih nang luar kota, Putih urip sing rukun ya kaliyan Bawang Merah?

Bawang Putih   : Nggih pak, Putih ajeng rukun. Putih nggih sampun anggep mba Bawang Merah dados mba’e Putih.

Bawang Merah : Inggih pak kados niku ...

*ning ngarep lawang*

Bapak                : yawis anak-anakku tak tinggal rumiyin nggih... Assalamu’alaikum

Putih abang       : Inggih pak, wa’alaikumsalam..ati-ati pa..

*bapane wis lunga*

Bawang Putih   : Yuk, masak barengbareng!

Bawang Merah : Hah, ra salah krungu? Masak?ngapa aku melu masak, nggawe tanganku kotor bae, wis nganah masak! (njorogna Bawang Putih).

Bawang putih maring pawon karo mikiri omongane bawang abang. Sawise masakane dadi, bawang putih nyajikna panganane ning meja makan.

*ibu tiri, b. Abang ning meja makan*

Ibu Tiri              : Iki masakan apa? kok rasane asin (karo numplekna panganan meng rai Bawang Putih).

                          Ujug-ujug bapane bawang putih teka balik maning neng umah, sing mau jarene arep tugas luar kota.

Bapak                : Assalamu’alaikum ...

Ibu Tiri              : Bawang Putih sageh resiki kabeh sadurung bapakmu ndeleng!

Bawang Putih   : Nggih bu ...

Ibu Tiri              : Awas kowe ya nek kowe wani ngadu meng bapakmu!

Bapak                : Ana apa kiye kok rungseb tenan?

Ibu Tiri              : Iki pak, Bawang Putih numplekna panganan amarga kirang ati-ati. Ya kan Bawang Putih?

Bawang Putih   : Nggih pak, Putih nyuwun ngapunten.

Bapak                : Ya wis siki resikna. Bapak arep ngaso sik ...

Ibu Tiri              : Bapak purun didamelaken kopi?

Bapak                : Nggih bu ...

                   Sawise, ibu tiri maring pawon arep nggawekna kopi nggo bapane bawang putih sing nembe balik.

*meja makan*

Ibu Tiri              : Niki pak kopinipun.

Bapak                : Matur nuwun bu.

                   Esuke ibu tiri tutur maring bapane bawang putih, jarene bawang putih kwe senenge nyante-nyante. Lah terus bapane bawang putih langsung ngomongi bawang putih supaya nurut karo ibu tirine terus ora olih nyante-nyante yen nyambut gawe.

Ibu Tiri              : Pak, niku Bawang Putih mboten purun ngapa-ngapa. Kerjaane mukur nyante-nyante tok.

Bapak                : Ya wis, mangke Bawang Putih tak omongi.

Bapak                : Putih, mriki kandani

Bawang Putih   : Napa pak?

Bapak                : Jere ibu, kowe nang umah ra gelem ngapa-ngapa. Kaya kuwi ya kerjaane nek ra ana Bapak?

Bawang Putih   : (mukur meneng)

Bapak                : Deneng ra njawab? Berarti omongane ibu bener ya?

Bawang Putih   : (mukur temungkul karo nangis)

Bapak                : Putih!!! (nyekel dada amarga penyakit jantunge kumat lan teras tiba).

Bawang Putih   : Bapak ... Bapak kenging napa pak?

Ibu Tiri              : Putih, kowe ngapakna Bapak? Kowe pengin Bapak cepet mati ya? Ya wis, sageh gawa Bapak meng kamar?

                            Sawise pirang wulan, amarga ibune kesel ngurusi bapa sing mriyangan bae... nggal dina ibune nyiapna obat, ning salah siji dina ibu nyiapna obat nanging obat asline di ijoli karo obat sing liya. Kaya biasane bawang putih sing nekna obat meng bapane sing ana ning kamar.

                           

*manjing kamar*

Bawang Putih   : Pak, niki kula mbetoaken obat.

Bapak                : Iya, matur nuwun Putih.

Bawang Putih   : Nggih pak ...

Sawise nginung obat ujug-ujug bapane langsung lemes lan nggletak ora ambekan. Teruse bawang putih langsung panik...

Bawang Putih   : Pak, Bapak kenging napa? Ibu, bawang abang mriki cepetan ...

Bawang Merah : Bapak, Bapak kenging napa?

lan Ibu Tiri

Ibu Tiri              : Putih, kowe ngapakna Bapak?

Bawang Putih   : Putih mboten ngertos bu ... (karo nangis).

Sawise bapane dikubur, bawang putih urip dewekan sing isine siksaan sing ibu tirine karo bawang abang, sing yen esuk-esuk senenge ngganyami.

Bawang Merah : Bu ... Ibu ... klambiku kotor kabeh ki, wis ora ana sing bersih, ora ana sing ngumbahi apa bu?

Ibu Tiri              : kowe nangapa sih nduk? Isuk-isuk kok wis ngomel.

Bawang Merah : Ndelo ki bu, klambiku kotor kabeh, mambu maning.

Ibu Tiri              : Ndi ndi! Ibu ndelo ...  ih iya tenanan kotor kabeh, klambine ibu ya kotor kabeh. Ndi Putih? Wis-wis ben Ibu sing ngongkon Bawang Putih kon ngumbaih. Putih ... Putih ... meng ndi sih? Bawang Putih!

Bawang Putih   : Nggih bu, wonten napa?

Ibu Tiri              : Suwe tenan sih, di undang-undang ra nyaut.

Bawang Merah : Ra duwe kuping mbok bu ...

Bawang Putih   : Anu bu ... kula seg wonten dapur, seg nggodog wedang.

Ibu Tiri              : Alaaah.... alesan bae. Ndelo kiye, klambi pada kotor kabeh, ora ana sing bisa dinggo. Suwe-suwe ora nggo klambi. Saiki kowe lunga meng kali gawa kalmbi iki lan ora usah kesuen (karo ngontalna klambi kotor meng Bawang Putih).

Bawang Merah : Iki kumbahi kabeh, awas nek ana sing rusak.... sing wangi, ra kesuen!

Sawise bawang putih njukuti klambi sing arep dikumbahi karo langsung meng kali, anjog neng kali bawang putih ngumbahi klambi disambi nembang. Pas ngumbahi ana iwak emas teka ngejak ngomong, sing atane nggawe bawang putih dadi kaget.

*ning kali*

Iwak                  : Heiii Bawang Putih, kowen ningapa bisane sedih?

Bawang Putih   : Jajal nek wong tuwaku esih ana, uripku mesti ora bakal nelangsa kaya kiye (selendange dikumbahi). Saben dina gon ngumbai akeh nemen.

Iwak                  : Melas temen kowen bawang putih. Aja sedih, ana aku ikian.

Bawang Putih   : pimen aku ora sedih, wong aku gon ngumbai semene akehe, tapi gon gagianan. Soale akeh pekerjaan maning neng ngumah.

Iwak                  : aku bisa mbantu kowen, supaya kumbahane gelis bersih. Dalah bae klambi kue ning nduwure watu.

(backsound = cling cling)

 Bawang Putih : (njembreng2 klambi) wah ajaib, klambine gadi bersih karo wangi. Makasih Iwak Mas.

Iwak Mas          : Yen kowen butuh bantuan, mene bae. Aku siap mbantu kowen kapan bae kowen butuh.

Bawang Putih   : iya , iwak mas. Makasih nemen. Aku balik disit ya, ko ganyami ibu karo bawang abang.

                       

            Sawise ngumbahi bawang putih langsung balik neng umah, soale mengko ibu tirine nggranyami nek balike kesuen. Walopun wis dikumbahna tetep bae ibune seneng nggranyami bawang putih. Pas bawang putih nembe balik ibune kesewoten soale neng meja makan laka panganan. Padahal esih kesel tapi ibune ngongkon bawang putih blanja neng pasar, njaluke blanja pirang-pirang nanging mein duite ora kira-kira...

Ibu Tiri            : Bawang Putih!!!. (gebrak meja)

Bawang Putih             : dalem bu...

Ibu Tiri            : Keh, duit go belanja. Keh catetane.

Bawang Putih             : (ndelengna catetan) maaf, bu. Niki artone kirang kangge belanja.

Ibu Tiri            : kue masalahe kowen!! Dudu masalahe aku!! Sing penting yen kowen balik belanjaan sing ana ning catetan kudu ana kabeh!!

            Ning dalan bawang putih kekederen mikir kiye arep kepime maning duit sing nggo blanja mung ana semana tok, nanging ibune njaluke pirang-pirang... akhire bawang putih lunga neng kali arep ketemu iwak emas sing mau...

Bawang Putih : iwak mas, iwak mas,...

Iwak Mas        : Iya, bawang putih. Ana apa,..??

Bawang Putih   : Aku lagi keder, aku di prentah ibu gon belanja samene akehe, tapi duite ora cukup.

Iwak Mas          : aja khawatir bawang putih, aku bakalan bantu kowen. Saiki jukut bae sisik emase aku.

Bawang Putih   : iya iwak mas.

(sawise njukut sisik)

Bawang Putih   : makasih ya iwak mas. Kowen wis mbantu aku.

            Ora dinyana iwak emas mau bisa ngetokna sisik emas, lah sisik emas mau dinggo bawang putih nggo blanja keperluane ibu tirine neng pasar...

            Sawise balik sing pasar bawang abang karo ibune kekederen bisane bawang putih bisa blanja pirang-pirang, padahal mau dimein duite mung semana tok... atane bawang abang neliti kok bisa bawang putih blanja semana akehe...

Bawang Abang           : heh , bawang putih. Duit sing ngendi kowen. Nyolong oh ya..

Bawang Putih             : astaghfirullah, ora bawang abang.

Bawang Abang           : sih duit sing ngendi..???

Bawang Putih             : alhamdulillah, miki olih rejeki.

Bawang Abang           : ooh, mana cepet masak!!!. Aku wis ngelih keh..

Bawang Putih             : iya ,  bawang abang.

(Bawang Abang lunga)

Bawang Putih             : Untung.. aku ora ngeles. Sisik emas kie luwih, mending tak simpen , aja sampe bawang abang karo ibu ngerti.

            Esuke bawang putih lagi ingkes-ingkes umah... eh bawang abang manjing neng kamare bawang putih... bawang abang nemukna sisik emas neng ngingsore bantale bawang putih latane ditudukna maring bawang putih karo ibune...

Bawang Abang           : Putiiiiihhh...!! Putiiihhh...!!. mene cepet.

Bawang Putih             : iya , bawang abang. ana apa..??

Bawang Abang           : ana apa, ana apa.. pake ora ngerti. Keh apa, sisik emas oh ya.. kowen olih sing ndi..??

Bawang Putih             : aku di mein sahabate aku.

Bawang Abang           : alaaahhh goroh. Ko tak tuturna ibuku keh...

Ibu Tiri                        : apa sih ribut ribut, ana apa bawang abang. Putih gawe masalah maning..??

B. Abang                     : keh bu, (nuduh kena sisik emas).

Ibu Tiri                        : Putih!!! Kowen olih sing ngendi..??

B. Putih                       : kulo diparingi saking rencang kulo bu,,

Ibu Tiri                        : aja goroh kowen.!! Apa kowen nyolong??

B. Putih                       : mboten bu, (nuduk)

Ibu Tiri                        : awas kowen angger goroh. Ya wis lah..

            Gara-gara sisik iwak emas mau bawang abang dadi pengen ngerti sapa sih sing mein sisik emas kuwe, esuke bawang putih arep ngumbahi neng kali ujug-ujug sing mburi dikintili daning bawang abang tapi bawang putih ora ngerti.

B. Putih                       : (nyambi ngucek klambi) iwak mas, makasih ya , wingi kowen wis mein aku sisik emas. Gadine aku bisa belanja akeh go ibu wingi.

Iwak Emas                  : iya pada-pada bawang putih.

B. Putih                       : aku wis pragat ngumbaine. Aku pn balik disit ya..

Iwak Emas                  : iya Bawang Putih

Bawang Abang           : (umpetan neng wit) oh berarti sing mein sisik emas, kue iwak emas sing bisa ngomong.

Sawise bawang abang krungu omongane bawang putih karo iwak emas, teruse bawang abang mudun neng kali arep njaluk sisik emase tapi iwake ora nekna, kalah-kalah iwake dijukut daning bawang abang terus digawa balik neng umah...

*let pirang menit sawise b putih lunga sing kali*

Bawang Abang           : iwak mas! Iwak mas! Metu kowen.

Iwak Emas                  : Iya Bawang Pu... hah bawang abang.

Bawang Abang           : Iwak emas, aku njaluk sisik emase oh..

Iwak Emas                  : moh, aku ora bisa. Kowen wis jahat karo B. Putih.

Bawang Abang           : yen ora mein, ko kowen tak gawa balik.

Iwak Emas                  : Moh, Bawang abang.

Bawang Abang           : oh ya wis. Kowen tak paksa gawa balik. (nyekel iwak emas)

Iwak Emas                  : Tolong.. tolong.. ucul kena aku..

            Pas neng umah iwak mau digoreng daning bawang abang terus dipangan, teruse erine dinekna neng bawang putih sekalian njelasna bahwa iwak sing dipangan bawang abang kuwe iwak emas sing olih ning kali...

Bawang Abang           : Putiiiihhh gagian jukutkena nginung.!!

Bawang Putih             : iya kie bawang  abang. (gawa nginung)

Bawang Abang           : Keh putih pan njaluk iwak goreng..?? emmm enak nemen.

Bawang Putih : (nampani iwak goreng) Makasih bawang abang. kowen tuku kie neng ngendi..?? (nyambi nyicipi)

Bawang Abang           : aku olih njukut neng kali sing biasa kowen ngumbai.

Bawang Putih : apa kie iwak emas..??

Bawang Abang           : iya, enak oh ya. Mangan Iwak sing bisa ngomong..??

Bawang Putih             : kowen ngerti iwak kue sahabate aku , bisane kowen malah goreng iwak kie.

Bawang Abang           : kowen beh melu mangan oh ya..

Bawang Putih            :  ari aku ngerti kie iwak emas sahabate aku, bakale ora tak pangan. Kowen jahat temen sih bawang abang. (lunga)

            Bawang putih ngrasa sedih nemen amarga iwak emas mau siji-sijine sahabat sing bisa ngerteni bawang putih, teruse eri iwak emas mau dikubur daning bawang putih neng latar umah...

Bawang Putih : Iwak mas , aku njaluk maaf. aku ora ngerti kue kowen. (ngubur eri iwak)

            Neng salah siji kerajaan, ya kwe kerajaan bumbung, ana raja sing ngimpi istanane kesamber petir sing nandakna kerajaane arep bubrak... nanging ning ngimpi mau ana cara supaya nyegah kuwe ya kwe kudu luruh wit sing godonge emas...

*ing kerajaan*

Raja                 :  pangeran... pangeran... pangeran...

Pangeran         : dalem pak, pripun pak?

Raja                 : mene anakku... bapak arep kanda...

Pangeran         : nggih pak... pripun?

Raja                 : kye loh bapak mbengi ngimpi kerajaan kye kesamber petir terus kerajaar kye dadi bubrak... tapi ning ngimpi bapak digongkon luruh wit sing godonge emas supaya kerajaane ora bubrak... tolong luruh secepete yaa..

Pangeran         : inggih pak, mangke ngenjang kulo kalih rencangku madosi wit emas...

Raja                 : suwun yaa cah bagus...

            Esuke pangeran kanda maring kancane sing arane ali, terus ngadakna saembara ing sangarepe warga desa... ya kwe sapa sing nduwe wit emas kwe wite arep dijaluk daning pangeran... tapi nggo gantine misal nek sing nduwe lanang arep didadikna sedulure pangeran, tapi nek wadon arep didadikna bojone pangeran.

Ali                   : loh kowen nangapaa ran...

Pangeran         : ehh lii.. aku lagi keder kyeh mbengi bapak ku ngimpi kerajaane kena petir terus kerajaane dadi bubrak...

Ali                   : Lah bahaya kwe ran.. pime ngko dadine?

Pangeran         : Lah kuwe aku ya khawatir... tapi bapak ngendika marang aku supaya luruh wit sing godonge emas secepete... wit emas mau bisa nyegah supaya kerajaane ora bubrak..

Ali                   : apa wit emas? Kayong nembe krungu kwe... laahh terus kwe sih luruhe neng endi? Masa ana?

Pangeran         : Ya embuhyah.. mangkane aku ya keder pan kepime luruhe.. semoga yaa ana.. yuh oh tolongi akuu.. kye aku arep ngadakna sayembara..

Ali                   : yaa hayuh..

*ing desa bumbu*

Ali                   : woro-woro... mene warga kabeh pada kumpul...

Warga desa     : ana apaa..sih ana apa..

Ali                   : kiye pangeran arep ngadakna saembara... monggo pangeran..

Pangeran         : warga sekabehan mene pada kumpul.. tujuane aku mene pan ngadakna saembara... kiye aku lagi luruh wit emas... yen ana sing nduwe wit emas pan tak jaluk, imbalane yen wong lanang arep tak dadekna sedulur lanang, yen wadon arep tak bojo...

Terus ibune bawang abang ngajukna bahwa anake nduwe wit emas sing digoleti pangeran... pangeran langsung dijak neng umahe ibune bawang abang...

Ibu tiri             : pangeran... anakku bawang abang nduwe wit e...

Pangeran         : nopo wite angsal ngge kulo, bu?

Ibu tiri             : ayo kae wite ning umahkuu.. ayo maring umahku...

Pangeran         : nggih bu...

*ning latar umah*

Ibu tiri             : ngko nunggu sedelat yaa pangeran.. tak ngundang anakku disit..

Pangeran         : nggih bu.. monggo..

*ning njero umah*

Ibu tiri                         : heh bawang abang cepet metu kye ana pangeran pan njaluk wit emas..

Bawang abang                        : nggih bu.. nggih.. (metu sing umah)

*ing latar umah*

Pangeran                     : apa wit kiye ndekene sampeyan bawang abang?

Bawang abang                        : nggih pangeran...

Pangeran                     : kye aku pan njaluk wit kye tolong bubutna wite...

Bawang abang                        : nggih pangeran..(mbedol wit)

Bawang abang                        : Lohh kok niki mboten saged dicabut buu.. (misik ibune)

Ibu tiri                         : loh masa ora bisa? Rene coba ibu sing nyabut (misik terus melu nyabut)

Pangeran                     : loh kok bawang abang ora bisa nyabut? Sing nandur dudu sampeyan ya? Kudune yen sampeyan sing nandur mesti bisa nyabut... kok sampeyan malah ora bisa?

Ibu tiri             : ngapunten pangeran.. bener sing nandur kwi bawang abang kok..(mbela)

            Wit emas mukur bisa dicabut daning sing nandur ya kwe bawang putih.. let pirang menit bawang putih teka marani ning wit emas sing lagi dikrubengi wong...

Bawang putih              : loh kok ana rame-rame ana apa kye... (mlaku merek wit emas)

                        Wonten nopo niki bu..?

Ibu tiri                         : kiye pangeran pan njaluk wit emas...

Pangeran                     : loh sampeyan sapa maning?

B putih                                    : kulo bawang putih.. lah sampeyan sinten?

Pangeran                     : aku pangeran... arep njaluk wit emas kye.. apa kye sing nduwe sampeyan?

B putih                                    : nggih pangeran.. mene aku bae sing nyabut...(nyabut wit)

Pangeran                     : matursuwun bawang putih.. sesuai karo janjiku.. aku arep nglamar sampeyan...sekalian mboyong sampeyan maring istanaku...

Bawang Putih             : aku ikhlas wit emas kie nggo sampeyan...

Pangeran                     : apa sampeyan juga pan nerima gadi bojone aku.

Bawang Putih             : (mantuk) iya pangeran, aku terima.

            Akhire bawang putih dilamar daning pangeran sesuai karo janjine pangeran pas lagi saembara...sekalian bawang putih arep diboyong neng istanane pangeran...neng istana bawang putih urip ayem tentrem soale wis laka bawang abang karo ibu tirine maning... terus neng kana bawang putih karo pangeran urip bahagia selawase...

-TAMAT-

Buat anda yang ingin mendapatkan penghasilan tambahan, silakan Klik Disini , CARA MENDAPATKAN PENGHASILAN TAMBAHAN